Prins Leroy 1e ( Leroy Hendriks vaan de Azamonstraot ) regeert in 2024 euver ’t Braniemeekersriek.
(Klik op ziene foto veur vergroeting)
Gelökkig brachte de Tempeleers mèt hunne keersveerse Stadsprins Roy 1e ouch weer, zoe-es vaanaajds, hun allerierste bezeuk aon de sjus oetgerope Prins vaan de Braniemeekers Leroy 1e. De Braniemeekers, Braniemeekerkes, Drommedarisse en Kakpepers gaove acte de présence.
Bekiek hei ziene CV
(Klik op 't pleetsje)
En hei zien Proklamasie.
(Klik op 't pleetsje)
Mèt hiel väöl spiet in us hart make veer bekint tot us zier gewaardeerd lid, Theo Schefman, aofgeloupe maondag 8 jannewarie, nao ’nen hiele korte tied vaan kraank zien, op 69 jaorege leeftied en väölste vreug is euverleie.
Theo is in 2000 lid gewore vaan us vereineging en in 2002 woort heer nao “ ’n ope sollicitatie” oetgroepe es Prins Theo 1e. Daonao höbbe veer häöm liere kinne es ‘ne zier aimabele vereinegings mins mèt ’t hart op de zjuste plaots. Heer heet zien kwaliteite ingezat en ziene vrije tied gegeve veur de gemeinsjap Lummel & Nazareth. Zoe waor heer de drievende krach achter ’t jaorlekse kraankebezeuk boemèt heer de nudege luikes ’n hart oonder de reem gestoke heet es heer same mèt “ziene” Prins bij de lui aon de deur koum. Binne us technische kemmissie heet heer same mèt zien kammeraode hiel väöl ore doorgebrach in de Hoeve. Eder jaor opnui de zaolversering en de vastelaovendswage gereid make of wat d’r ouch mer gemaak mós weure.
Jaore laank is heer secundant gewees en deech heer de Prins begeleije vaanaof tot heer woort oetgerope tot dat heer de Prinsesteek weer mós aofzètte. Hiel väöl Prinse zalle mèt ’n hiel good geveul dao aon trök dinke.
Wie gezach ‘ne vereinegingsmins in hart en nere.
Veer winse Thoosan, Debbie, Kevin, Remy, Wendy, Ivo, Daan, Evi en Noa hiel väöl sterkde um ’t groete verluus vaan Theo de koumende tied te kinne drage.
Veer goon Theo misse en zalle häöm noets vergete….!!
Op dit moment vinden er onderhoudswerkzaamheden plaats aan onze website. Het kan zijn dat pagina's tijdelijk niet beschikbaar zijn. Excuses voor het ongemak
Naomes de kanselereijraod maag iech uuch melle tot de nuie Hoeglöstigheid is gebore !!!!!!
Veer zien d'r weer gruuts op uuch dat te maage mèt deile. Zoe wiet geer wèt, woent heer in Lummel of in Nazareth. Same mèt zien vruike höbbe zie twie keender en höbbe zie 'n aontal hoesbieste.
Noe is 't aoftèlle tot 14 jannewarie 2024 en dat goon veer netuurlek gaw höbbe.
Laote veer hope op 'n sjiek en gezèllig vastelaovendssezoen !!!!
D'n drappeau hink oet.
Leef vastelaovendsvrun....
CV de Braniemeekers starte vaanaof 12 november mèt de verkoup vaan de kaarte vaan euze “Mestreechter Aovend” dee op vriedag 26 jannewarie 2024 gehawwe weurt in ’t Keplaon Lochmanhoes in Lummel.
Vaanaof 11 november zalle veer uuch de verkoupadresse kinbaar make.
Haw eus Facebookpagina en website in de gate….
Klik op de poster veur groete weergaaf:
Hei-oonder de finaliste die op zaoterdag de 11e vaan de 11e mét doen en boeop geer eur stum op oet kint bringe in de Meziek Gieterij. Veer beginne um 14.11 oor.
Zét 't in eure callepin en bepaol mèt welk leedsje veur geit in de Vastelaovend vaan 2024
De 6 finaliste zien:
• Hool oet ‘t leve wat drin zit - John Wijnands en Hub Kuijpers
• Op ze Mestreechs - Patrick van de Weijer/ Jopyce Kuppens/ Marvin Rosier m.m.v. Hub Kuijpers
• In Mestreech - Patrick Jaspers
• Druime - Fred Mennen en Patrick Ummels
• Oonder de vleugels - Patrick Keerssemeeckers en Nico Heutz
• Dao höb ste gekke Net - Patrick Keerssemeeckers en Nico Heutz
Ouch weurt 't nui leedsje vaan de jäög geprizzenteerd (Klik op de posters):
Veur info,
Lees hei de flyer: Flyer
Of klik op 't pleetsje: