Lètste nuits euver "CV de Braniemeekers"
18 december 2011 Rommelmérret (awwemérret) in Lummel
Op zoondag 18 december organisere veer 'ne rommelmérret in 't Keplaon Lochtmanhoes in Lummel. V'r goon zörrege veur unne hiele gezéllige daag mèt väöl kraome en 'ne plezeerige keerssfeer. Vaan 09:00 tot 16:30 oor zeet geer vaan harte welkom.
Kraome kint geer heure door kontak op te neume mèt Frans Bosmans.
Tel: 06 - 31762812
E-meel: fransb@versatel.nl
Veer zien us!
Trékking Grote Clubactie 2011
Op 24 november heet notaris JAHG van Tuijl de trékking verriech vaan de Grote Clubactie 2011. Um tot veer hiel väöl loote verkoch höbbe in Lummel en Nazareth publicere veer noe aoch gere de trékkingsoetslaag. V'r hope tot geer allemaol in de preize gevalle zeet en bedaanke uuch allemaol hiel erreg veur ut kaope van de loote. Klik veur de oetslag op de oonderstaonde link.
download
Oproop veur spölle veur awwemérret
Veer wèlle heij unne oproop doen aon eederein dee op de zolder, in de kèlder of in de stal nog spölle heet stoon die neet mie gebruuk weure, meh wel nog te gebruuke zien. Es Braniemeekers wèlle veer die spölle geere beij uuch koume ophole. Veer bezeuke mét regelmaot un aontal awwemérrete en heijveur kinne veer noch gooj spölle gebruuke. Höb geer noch spölle stoon en wèlt geer ze geere kwiet, bel daan mét Frans Bosmans 06-31762812 of meel naor fransb@versatel.nl
Otowasdaag op 15 oktober 2011
Aoch dees aktiviteit is un suukses gebleeke.
Hiel gét wegelkes höbbe v'r 'ns good oonder han genoome. De wagele in Lummel en Nazareth höbbe nog noets zoe sjoen gebloonke es op deen daag. Veur de luij hadde veer zitplaotse gerezerveerd en me kos e lekker teske koffie met eige gemaakde waffele kriege veur e hiel sjappelek preiske.
Naomens de denktank eederein bedaank dee aoch heij weer aon heet mét gewerrek. (kiek mer ins op ut printebook)
Grote Clubactie 2011
Op maondag 12 september en dinsdag 13 september höbe veer us 1000 lote verkoch, deur aon deur in Lummel en Nazareth.Veer bedaanke alle luij die us ope gedoon höbbe en lote gekoch höbbe. Us leije moote veer aoch hiel erreg bedaanke veur de métwerreking op die aovende en veur ut aofneume vaan 25 lote per femielie. Ur waor 'n hiel groet suukses.
De trékking vaan de lotereij zalle veur aoch op dees saajt publisere.
Grote Clubactie 2011 (12 en 13 september)
Op maondag 12 september en dinsdag 13 september goon veer es Braniemeekers mètdoen aon de Groete Clubaksie.
Veer verzamele maondag bij 't Dreesmenneke om 17:00 oor.
't is te hoope tot veer daan roond 20:00 oor gans Lummel höbbe gehad.
Dinsdag goon v'r door Nazareth en veer verzamele um 17:00 oor in de Kestiel Sjaloenstraot. V'r höbbe 1000 lote die dees twie aovende aon de maan gebrach kinne weure.
In eeder geval wille veer alvas eederein bedaanke veur ut métlaope.
Otowasdaag op 15 oktober 2011 (parkeerplaots RKVCL)
Op zaoterdag 15 oktober goon veer unne otowasdaag organisere.
Op de parkeerplaots vaan voetbalvereniging R.K.V.C.L. (aon de Willem Alexanderweeg) kin eederein ziene oto laote pótse tege un zach prijske vaan €5.00. Bedriefsoto's kinne ouch gepóts weure tege unne aof te spreke pries.
Ouch zalle veer zörrege veur e lekker teske koffie en get aander versnaperinge.
Eederein is op dees daog vaan harte welkom tösse 10:00 en 16:00 oor.
Oproop veur spölle veur awwemérret
Veer wèlle heij unne oproop doen aon eederein dee op de zolder, in de kèlder of in de stal nog spölle heet stoon die neet mie gebruuk weure, meh wel nog te gebruuke zien. Es Braniemeekers wèlle veer die spölle geere beij uuch koume ophole. Veer wèlle naomelik un aontal awwemérrete bezeuke en heijveur kinne veer noch gooj spölle gebruuke. Höb geer noch spölle stoon en wèlt geer ze geere kwiet, bel daan mèt Frans Bosmans 06-31762812 of meel naor fransb@versatel.nl
Mini voetbaltoernooi op zaoterdag 10 september 2011
op de voetbalvelde vaan R.K.V.C.L.
Helaas is 't toernooi door te wienig belangstèlling neet kinne doorgoon. Meugelik tot veer in 't veurjaor nog un nuij poging zalle wage.
Heiligdomsvaart
Op 3 juli en 10 juli höbbe de Braniemeekers mètgedoon aon de umgaank vaan de Heiligdomsvaart. Dat evenemint dat eine kier per 7 jaor gehawwe weurt in Mestreech is unne drök bezeukde relizjeuse umgaank.
Veer zien daan aoch gruuts d'rop tot veer es Braniemeekers hei aon us mètwèrreking höbbe kinne verliene mèt zoe'n 30 maan. Uzze TC heet op verzeuk vaan de organizaasie un maquèt gemaak vaan de Sint Servaos Basseliek. Un knap stäölke wèrrek boe väöl kosbaare tied is in goon zitte.
Us kompliminte.
Ut Prezidium wèlt daan aoch eederein harstikke bedaanke veur ziene/ häöre inzat!!!
Op dees meneer zien veer tot de Braniemeekers un sterrek klupke is!!!
Vastelaovend 2011 |
Nao ‘nne geweldige daag zaolvoetballe kwaome de Mammoeters ’t beste veur de daag zodat zie ouch de ierste cup in oontvaangs mochte numme. Dit höbbe dees vereiniginge neet zoemèr gedoon want de gaanse opbrinks vaan deen daag waor veur ’t Kinder Kankerfonds KiKa, die nao aofloup ‘nne check kraoge vaan € 511,11. ’N Zier geslaag evenemint wat zeker e vervolg maag kriege!