Medaalje 2

Zoondag 30 jannewarie um 20:11 oor, had ’t benkelek momint mote zien boe op veer euze nuie Hoeglöstegheid 2022 hadde wèlle oetrope. Veer kinne väöl wèlle meh, helaas wete veer oondertösse allemaol dat ’t corona-virus d’r veur gezörg heet tot neet alles kin. Obbenuits höbbe veer mote beslete tot veer geine Prins kóste oetrope.
Veureg jaor höbbe ’n soortgeliek beriech geannonceerd mèt dao in ‘n Mestreechs gezègkde:
‘Alles is meugelek, meh neet ‘ne naakse in z’n brook sjiete’.
Dat zoeväöl beteikent es: wie gere tot veer ouch zouwe wèlle, ’t geit gewoen neet.

Hart RoedHart GeelHart GreunThoes Verseerwedstrijd'Hart RoedHart GeelHart Greun

Leef vastelaovends vrun, inwoeners en oondernummers vaan Lummel & Nazareth. 

Obbenuits kinne veer dit jaor jaomer genóg geine Prins oetrope en ouch gein fieskes same viere in de zaol.
Veer kieke noe nao wat d’r wél kin en riechte us veural op sjariteit. Veer zalle zeker vaan us laote hure.
Um ouch weer 'n bitteke sfeer in de straote en de wieke te bringe wèlle veer uuch vraoge um mèt te doen aon de ‘Thoes Verseerwedstrijd’ dee veer same höbbe oetgesjreve. 

Haang de carnavalsvlag oet en verseer eur roete, de kiekoet, eure hoof en eur straote. 

Op dees meneer drage veer same toch de carnavalssfeer oet.
Op 20 en 21 fibberwarie zal de jury door alle straote trèkke en beoordeile wee ’t sjoenste geseerd heet. In die zelfde week kriege de winnaars vaan us beriech en zalle veer ouch de gewonne pries oetreike. 
Veer hope tot Geer mèt zalt doen en veer de wieke Lummel & Nazareth en hopelek gans Mestreech, roed, geel en greun zalle laote kleure.

Alvast bedaank ️
Naomes de besture en leie vaan
CV de Braniemeekers & CV de Kakpepers

Nao 'n jaor zoonder neumensweerdege carnavalsactiviteite hadde veer de stèlle hoop tot veer in 2022 wel weer aon de geng kóste goon en dao hadde veer alles veur geregeld en klaor veur stoon. Nao de peersconferentie vaan aofgeloupe vriedeg 14 jannewarie, en de noe geldende corona maotregele heet ’t bestuur jaomer genóg ’t besluut mote neume tot veer geine Prins kinne oetrope op zoondag 30 jannewarie en tot veer ‘ne Prins gein wierdeg sezoen kinne beeje. ’t Zal dus helaas veur ’t twiede jaor achterein zien, zoonder Prins.
Weijer zalle veer alle geplande activiteite oetstèlle of verplaotse nao ’n aander momint in ’t sezoen of mesjiens zelfs later in ’t jaor.
Op dit momint zien veer us aon ’t bedinke wat, en veural wienie, veer dinger wél kinne organisere.

Yes, we mogen weer!

Het verenigingsleven heeft gedurende de coronapandemie een lange tijd on-hold gestaan. De veiligheid en gezondheid van onze leden stond natuurlijk bovenaan. Sinds 25 september jl. zijn de versoepelingen doorgevoerd en hoeven we de 1½ meter niet meer in acht te houden en kunnen de studenten weer allemaal als vanouds naar school. Dit komt met name doordat veel mensen inmiddels gevaccineerd zijn.

Gein Megaloods op 't Tregaterrein! Netuurlek wèlle veer woene in Lummel aon de Maos.
Ouch de Braniemeekers make ziech hei sterk veur! Noe doorpakke! Haang de poster veur eur raom.
Lees hei de extra: Buurtpraot
 

Hart RoedHart GeelHart GreunLeef lui oet Lummel & NazarethHart RoedHart GeelHart Greun

De kemissie die ziech heet bezig gehawwe mèt de Thoes Verseerwedstrijd heet aofgeloupe zoondag in Lummel & Nazareth gejureerd en de knoup doorgehak.
Venaovend zien de winnaars bekind gewore en höbbe veer hun verierd mèt ’n bezeukske en ‘ne sjoene pries. ’n pakkèt um de koumende vastelaovendsdaog good door te kinne koume. Cindy Quaden en Ted de Vrees naomes CV de Kakpepers en Jos Rokx en Marcel Coolen naomes CV de Braniemeekers hadde de ier um de winnaars te bedaanke en te fêtere. De winnaars: Femilie Pas (Nazareth) en femilie Smeets (Lummel).
Es extra weure zie es wiekwinnaar veurgedrage aon de “Thoes Verseerwedstrijd” vaan de Tempeleers. Wee wèt, valle zie astrein dao ouch nog in de prijze.

Naomes de besture en leie vaan
CV de Braniemeekers & CV de Kakpepers vaan harte perficia!!!
#veerzienvastelaovend
Bekiek uuch hei-oonder get foto's:

2021 HO 7
Ein vaan de hoegtepunte vaan ‘t jaor is veur väöle vaan Lummel en Nazareth en ouch veur us, de touwkinning vaan de Hoegste Oondersjeiing vaan ‘t jaor. De Hoegste Oondersjeijing weurt jaorleks touwgekind aon ‘nne persoen, ‘nne gróp, vereineging of stiechting die zich zoonder de tesse te völle of mèt de boors veuroet te loupe op vrijwèllege basis inzet veur de gemeinsjap Lummel en/of Nazareth. Allewel en oondaanks tot ’t eders kier lestiger weurt door ’t opdoeke vaan miejer vereineginge, door ’t sterk verandere vaan de indentiteit vaan us 2 parochies, ’t leie tekort bij vereineginge of door de polletiek en ‘t gekoze woeningbeleid, of ’t wegvalle vaan veuraonstaonde lui die zich inzètte veur de buurt, höbbe veer ouch dit jaor weer get hiel sjoens gevoonde: De Tuttebelle Club vaan Mestreech
Veur de motivatie vaan de kemissie, klik hei op: Motivatie  en beloert uuch hei-oonder get foto's vaan de coronaproof oetreiking

Aofgeloupe zaoterdag, 6 fibberwarie, zien veer same mèt de keender vaan de jäögraod en de tienergrôp veur de twiede week, weijer gegaange mèt eus sjariteitsbezeukskes.
Obbenuits höbbe veer de lui bezeuk die ziech inzètte veur eus vereineging, luikes die kraank zien of gewoen get aondach verdene in deze oonröstege tied. 
Gewoen eve vertèlle tot veer ze daankbaar zien, aon de luikes deenke en tot zie Pin mote Hawwe. D’r is leech aon ’t ind vaan d’n tunnel, meh ’t geit wel nog effekes dore. Mèt ’n klein kedoke en get vreunteleke wäördsjes wèlle veer ze 'n hertsje Hart Roed  oonder de reem steke. De koumende daog tot aon de vastelaovend goon veer gewoen weijer d'r mèt.

Hart RoedHart GeelHart GreunHAW PIN #veerzienvastelaovend

Beloert uuch de foto's op de volgende pagina:

Neve de Sjariteitsbezeukskes en de actie veur de lui die ziech in de zörg veur eus allemaol oet de naod wèrke, höbbe veer ouch get lui bedaank en oondersjeije mèt eus Haw Pin medaalje. Helaas mage veer ze dit jaor neet opspange, meh ze weurt op ’n sjoen meneer oetgereik.
Veer höbbe väöl leuke reacties gehad wie veer de medaalje geprizzenteerd höbbe op Facebook. D’r waore hiel get lui die de medaalje gere wouwe höbbe en dao groof geld veur gebooje höbbe. Helaas veur die lui, höbbe veer beslote tot de medaalje neet te kriege en al zeker neet te koup is. Veer hawwe vas aon eus aw traditie, die zeet: 

Hart RoedHart GeelHart Greun“ ’n medaalje kinste neet vraoge of koupe, ’n medaalje móste verdeene”Hart RoedHart GeelHart Greun 

Vaanoet die gedachte höbbe veer get lui goon bezeuke um ze te verrasse en veural te bedaanke veur wat zie veur eus vereineging of veur de vastelaovend in z’n algemein beteikene. Tot aon de vastelaovend zalle veer nog de nudege lui opzeuke en bedaanke!
Hij oonder ’n paar foto’s vaan lui boe veer zien langs gewees en die zelf dee foto op Facebook gezat höbbe.
 #veerzienvastelaovend

Beloert uuch de foto's op de volgende pagina:

Veendel 

Op verzeuk vaan ’n aontal lui höbbe veer nui club vlagge bestèld. Es geer interesse höb, daan kint geer die ouch bij us bestèlle. Ze zien in versjèllende maote en prijze te kriege:
70 x 100 cm à € 18,50 per stök
100 x 150 cm à € 29,50 per stök
Aander aofmetinge zien meugelek meh die moote veer bestèlle. 

Bestèlle kin op info@braniemeekers.nl      #veerzienvastelaovend

Hart RoedHart GeelHart Greun't Mestreechs Vastelaovendspakket is oetverkoch!Hart RoedHart GeelHart Greun
De 1.111 besjikbare pakkètte zien allemaol verkoch.
Geweldeg, meh wat nog sjieker is … is to veer daankzij de gooje verkoup en mèt mètwèrking vaan 't Elisabeth Strouven Fonds, leefs 222 pakkètte kinne donere aon Quiet Community Maastricht (www.quiet.nl). Hiel väöl daank veur al eur bestèllinge via CV de Braniemeekers of alle aander SMV vereineginge en de Keemeleers in Mestreech.
Veer goon deveur zörge tot dien pakkèt op zaoterdag 13 fibberwarie bij diech thoes weurt bezörg.
#veerzienvastelaovend #plezeerensjariteit

Zorgtoppers Bedaaank CollageAofgeloupe zoondag, 31 jannewarie, höbbe veer zoeväöl meugelek lui oet eus wieke Lummel & Nazareth die in de zörg wèrke goon bedaanke veur hunne inzat.
Vaanaof 6 oor in de vreuge mörge zien veer pósters goon plakke um ederein te bedaanke. Ouch de lui boe vaan veer neet weite tot zie in de zörg wèrke, wèlle veer zègke:
 Hart RoedHart GeelHart Greun
"DIECH BIS 'NNE TOPPER!!"Hart RoedHart GeelHart Greun

Bestuur CV de Kakpepers en CV de Braniemeekers #veerzienvastelaovend

Prinsegallerij





Ga naar boven