Zoondag 24 fibberwarie um 9.00 oor weurt de jaorlikse Mesteechter Mès opgedrage in de parochie Kèrrek vaan St Jaan d’n Duiper in Lummel. Con Gerards en ’t Kèrrekelik zaangkoer zalle de mès opluustere mèt sjoene meziek en zaank. Nao de Mès zalle veer ’n blomstökske op ’t kèrrekhof lègke ter iere en ter naogedachtenis aon alle euverleije lui oet Lummel en Nazareth en speciaol veur us euverleije leije, iere-leije en aajd Prinse. Veer hope uuch in de kèrrek te maage treffe! Daan weurt dao nao ’n koffietaofel gehawwe in ’t Keplaon Lochtmanhoes veur genuudigde vaan CV de Braniemeekers en zal euze zjubilaris in ’t zönneke gezat weure. Dit jaor is dat Ashwin Storms.
's Middags goon veer weer ‘n gezèllig feeske bouwe mèt de keender op de Kindermiddag vaan de Braniemeekerkes. De meziek weurt verzörreg door DJ “Lange Ron” en veer beginnen um 13.30 oor.
Geer zeet vaan harte welkom!
Klik op hunne foto veur vergroeting
Prins Nick 1e en Prinses Lynn 1e regere in 2019 euver 't Braniemeekerkesriek.
Um Prins Nick 1e ( Nick Dessart vaan de Kasteel Hartelsteinstraot in Nazareth ) en Prinses Lynn 1e ( Lynn Gubbels vaan de Populierweeg in Lummel ) beter te liere kinne, klik hei op hun Protokol mèt CV in drei deile: Protokol_Prins_2019; Protokol_Prinses_2019 en Verseersele_2019
En hei op hun Proklamasie (Klik op 't pleetsje)
Hei-oonder kint geer e fillemke vaan hun oetrope bekieke. Klik op: Fillemke
Zoondag 17 fibberwarie 2019 zalle de nuije jubileum Prins en Prinses vaan Jäögcarnevalvereiniging CV De Braniemeekerkes weure oetgerope.
(Kllik op de poster veur vergroeting)
Mestreechter Aovend
Op vriedag 15 fibberwarie 2019 organiseert CV De Braniemeekers häöre traditionele “Mestreechter Aovend” in het Keplaon Lochtmanhoes in Lummel.
T nuij vastelaovesleedsje 2019 is bekind. Ech woer, jeh jao. Op teks vaan Patricia Paulussen en muziek vaan Patrick Ummels.'T leedsje oetgevoerd door Batteraof en de Köp kint geer heij beloere:
https://youtu.be/LfNScsBKcWgG of beluustere: Leedsje
Oonder Braniemeekers Callepin Euverziech vindt geer de: Callepin 2019
Bèste lui vaan Lummel & Nazareth,
Geere wèl iech, en ouch naomes mien vrouw Tamara en euze zoon Delano, vaanaof dees plaots eederein in Lummel en Nazareth hiel erg bedaanke veur ’nne manjefieke vastelaovend. Mèt hiel väöl plezeer bin iech same mèt de Braniemeekers uuch veur gegaange in dee sjoene tied vaan vastelaovend. Vaan ‘t momint vaan oetrope tot aon assellegoonsdeg höbbe veer eedere daag hiel väöl plezeer gehad en höbbe veer ontzettend genote. Alle lui die op de ein of aander meneer d’r veur gezörg höbbe dat ‘t zoe’n geweldig fies is gewore, harstikke bedaank veur dee oonvergeteleke tied.
Mien vreunteleke Kompleminte!!
Prins Roy I vaan CV de Braniemeekers
Zaoterdag 10 fibberwarie 2018 zal CV de Braniemeekers de Vastelaovend in Lummel en Nazareth opene mèt ’t hijse vaan de Braniemeekerpóp en aonsjletend ’t Braniebal. De Braniemekerpóp zal alle drei döl daog laank, ziech hawwe op ’t Vastelaovend vierend volk vaan Lummel en Nazareth. Prins Roy 1e zal op ziene Prinsewagel vaanaof Hoeve Rome mèt versjèllende vereiniginge oet de wiek in 'nne cortège nao ’t pleinsje veur ’t Keplaon Lochtmanhoes trèkke. Alle Prinse en Prinsesse zalle um 18:11 oor same de Braniemeekerpóp hijse.
Es dat achter de rök is, zal ’t Braniebal los barste in kaffee ’t Tönneke en zalle veer d’r same e sjiek fees vaan make.
Lummel, 30 jannewarie 2018
Lummel heet al jaore, sjus wie us stad Mestreech, ‘n Ingels park, ‘t Bethlehempark, veurheen behurende bij de Hotelvaksjaol meh allewijl openbaar, zier populair bij de hoondeleefhöbber en de vèsser. ‘t Park is ein vaan de perelkes vaan Lummel en Nazareth, ’t is door de Buurtraod Lummel benump tot “d’n Antree” vaan de zoegezagde Landgoederenzône en ‘t Boetegood Kaanjel, Geul en Maos. Dweers door ’t park kabbelt de Kaanjel die de vijvers en ’t spiegelend Chateau Bethlehem, mèt ein verbinde en vol zitte met vès. Lèt op veur de reiger want dee klajt af en tow dee vès!
Lees meer: Hoegste oondersjeiing vaan de Braniemeekers 2018 veur Horrie Geraerds.
Dinsdagaovend 13 fibberwarie 2018 um 24:00 oor zal door CV De Braniemeekers De “Vastelaovend” In Lummel en Nazareth beëindig weure mèt ’t verbranne vaan de Braniemeekerpóp. Prins Roy 1e zal daan same mèt de aander aonwezige Prinse en Prinsesse en ’t Vastelaovend vierend volk vaan Lummel en Nazareth symbolisch aofsjeid numme vaan de drei döl daog vaan Carnaval. Geer zeet vaan harte oetgenudig heibij aonwezig te zien.