Braniemeekerpóp Heijse & Braniebal.
Zaoterdag 10 fibberwarie 2018 zal CV de Braniemeekers de Vastelaovend in Lummel en Nazareth opene mèt ’t hijse vaan de Braniemeekerpóp en aonsjletend ’t Braniebal. De Braniemekerpóp zal alle drei döl daog laank, ziech hawwe op ’t Vastelaovend vierend volk vaan Lummel en Nazareth. Prins Roy 1e zal op ziene Prinsewagel vaanaof Hoeve Rome mèt versjèllende vereiniginge oet de wiek in 'nne cortège nao ’t pleinsje veur ’t Keplaon Lochtmanhoes trèkke. Alle Prinse en Prinsesse zalle um 18:11 oor same de Braniemeekerpóp hijse.
Es dat achter de rök is, zal ’t Braniebal los barste in kaffee ’t Tönneke en zalle veer d’r same e sjiek fees vaan make.
Hoegste oondersjeiing vaan de Braniemeekers 2018 veur Horrie Geraerds.
Lummel, 30 jannewarie 2018
Lummel heet al jaore, sjus wie us stad Mestreech, ‘n Ingels park, ‘t Bethlehempark, veurheen behurende bij de Hotelvaksjaol meh allewijl openbaar, zier populair bij de hoondeleefhöbber en de vèsser. ‘t Park is ein vaan de perelkes vaan Lummel en Nazareth, ’t is door de Buurtraod Lummel benump tot “d’n Antree” vaan de zoegezagde Landgoederenzône en ‘t Boetegood Kaanjel, Geul en Maos. Dweers door ’t park kabbelt de Kaanjel die de vijvers en ’t spiegelend Chateau Bethlehem, mèt ein verbinde en vol zitte met vès. Lèt op veur de reiger want dee klajt af en tow dee vès!
Lees meer: Hoegste oondersjeiing vaan de Braniemeekers 2018 veur Horrie Geraerds.
Braniemeekerpóp Verbranne 2018.
Dinsdagaovend 13 fibberwarie 2018 um 24:00 oor zal door CV De Braniemeekers De “Vastelaovend” In Lummel en Nazareth beëindig weure mèt ’t verbranne vaan de Braniemeekerpóp. Prins Roy 1e zal daan same mèt de aander aonwezige Prinse en Prinsesse en ’t Vastelaovend vierend volk vaan Lummel en Nazareth symbolisch aofsjeid numme vaan de drei döl daog vaan Carnaval. Geer zeet vaan harte oetgenudig heibij aonwezig te zien.
Receptie Prins Roy 1e.
Zaoterdag 03 fibberwarie 2018 zal CV De Braniemeekers ’n receptie aonbeje aon Prins Roy 1e. Dees receptie zal plaots vinde in ’t sjoen verseerde Keplaon Lochtmanhoes aon de Populierweeg in Lummel. Veer nudige ’n ederein, dee Prins Roy 1e en CV de Braniemeekers e werrem hart tow dreug, vaan harte oet heibij aonwezig te zien.
De receptie weurt gehawwe vaan 18:00 tot 21:00 oor.
Geer zeet vaan harte welkom!
Mestreechse Mès en Kindermiddag CV de Braniemeekerkes.
Zoondag 4 fibberwarie um 9.00 oor weurt de jaorlikse Mesteechter Mès opgedrage in de parochie Kèrrek vaan St Jaan d’n Duiper in Lummel. Famfaar St. Martinus-Juliana Mestreech en ’t Kèrrekelik zaangkoer zalle de mès opluustere mèt sjoene meziek en zaank.
Nao de Mès zalle veer ’n blomstökske op ’t kèrrekhof lègke ter iere en ter naogedachtenis aon alle euverleije lui oet Lummel en Nazareth en speciaol veur us euverleije leije, iere-leije en aajd Prinse.
Veer hope uuch in de kèrrek te maage treffe!
Lees meer: Mestreechse Mès en Kindermiddag CV de Braniemeekerkes.
Carnevalskiene vriedag 2 fibberwarie as.
Vriedag 02 fibberwarie 2018 organiseert CV de Braniemeekers häöre traditionele Carnevals Kienaovend in ’t Keplaon Lochtmanhoes in Lummel. Op Carnevaleske wijs weurt deze aovend ingevöld. D’r zien väöl sjoen prijs te winne, die door Prins Roy 1e persoenelek aon de winnaars zalle weure oetgereik.
De zaol is ope vaanaof 18:00 oor
Aonvaank Kiene vaanaof 19:00 oor
Prins Dean en Prinses Kyara regere in 2018 euver ’t Braniemeekerkesriek.
(Klik op hunne foto veur 'n vergroeting)
Um Prins Dean 1e ( Dean Geelen vaan de Judeaweeg ) en Prinses Kyara 1e ( Kyara Bossink vaan de Sionsweeg ) beter te liere kinne, klik hei op hun: Proklamasie_2018
en hei op hun Protokol mèt CV in drei deile: Protokol_Prins_2018; Protokol_Prinses_2018 en Verseersele_2018
En bekiek hei e fillemke vaan hun oetrope: Prinsepaar2018
Prins Roy I (Beaumont) regeert in 2018 euver Lummel en Nazareth.
Prins Roy I (Roy Beaumont) vaan 't Jan Baptistplein) regeert in 2018 euver 't Braniemeekersriek. Neturelik kaome de Tempeleers mèt hunne keersveerse Stadsprins Rolam I 't ierste nao de Braniemeekers in Lummel ( Klik hei op: Fillemke Bezeuk )
Wèlt geer Prins Roy I en ziene levenswandel beter liere kinne, klik daan heij op:
CV Prins Roy I
Lees meer: Prins Roy I (Beaumont) regeert in 2018 euver Lummel en Nazareth.
Mestreechter Aovend 26 jannewarie as. Dink aon eur kaarte!
Op 26 jannewarie 2018 organiseert CV de Braniemeekers weer hun jaorlikse Mestreechteraovend. Klik op’ t pleetsje veur info euver de artieste, de kaartverkoup etc. Zeet d’r op tied bij, want VOL = VOL.
Oetrope nuij Prinsepaar vaan CV de Braniemeekerkes.
Zoondag 28 jannewarie 2018 zalle de nuije Prins en Prinses vaan jäögcarnavalsvereiniging CV De Braniemeekerkes weure oetgerope.
De nuije Prins en zien Prinses zalle in ‘nne cortège door de straote vaan Lummel trèkke. Daonao zalle um 14:11 oor in ’t Keplaon Lochtmanhoes, de twie groete oonbekinde onder ’t maske vendan koume. CV de Kluiverkes, CV de Koeleköpkes, CV de Jumbo’s, CV de Braniemeekers en CV de Braniemeekerkes zalle aon de cortège deilnumme. D’n entree is gratis. Zaol ope vaanaof 13:30 oor.
PR Commissie CV de Braniemeekers
Oetrope Prins 2018 CV de Braniemeekers op 14 jannewarie as.
WEE ????
Zoondag 14 jannewarie 2018 zal de nuije Prins vaan CV De Braniemeekers oet Lummel & Nazareth weure oetgerope.
Lees meer: Oetrope Prins 2018 CV de Braniemeekers op 14 jannewarie as.
CV de Braniemeekers zoekt nieuwe leden.
