Ein vaan de hoegtepunte vaan ‘t jaor is veur väöle vaan Lummel en Nazareth en us de towkinning vaan de Hoegste Oondersjeiing vaan ‘t jaor 2019. De kemissie, die dit jaor de käös heet bepaold, bestoond oet aajd prins Roy d’n Ierste, de winnaar vaan ’t veurig jaor, Horrie Geraerds en get beëdigde Braniemeekers en Braniemeekerkes. Op de boetegewoen geheimeleke vergadering, ginge weer hiel get gegadigde euver de taofel.

Lees meer: Hoegste Oondersjeiing 2019 veur Lummelse Bejaarde- en Invalidevereiniging.

Klik op 't pleetsje veur groete weergaaf.

Dinsdagaovend 5 miert 2019 um 19:00 oor zal door CV de Braniemeekers de Vastelaovend in Lummel en Nazareth beëindig weure door 't neer hole (AOFLAOTE) vaan de Braniemeekerpóp.

Prins Ivo 1e zal daan same mèt de aonwezige Prinse en Prinsesse en 't Vastelaovend vierend volk vaan Lummel en Nazareth symbolisch aofsjeid numme vaan de drei dol daog vaan Carnaval. Dit alle zal gebäöre op 't plein veur 't Kaplaon Lochtmanhoes aon de Populierweeg. Geer zeet vaan harte oetgenudig um daobij aonwezig te zien!

Carnavalszoondag 3 miert 2019 zal door CV de Braniemeekers de "Vastelaovend" in Lummel en Nazareth geopend weure mèt 't hijse vaan de Braniemeekerpóp en aonsletend e carnavalsoontbijt. De Braniemeekerpóp zal de drei dol daog ziech hawwe op 't Vastelaovend vierend volk vaan Lummel en Nazareth.
Prins IVO 1e zal op ziene Prinsenwagel vaanaof Hoeve Rome, mèt versjèllende vereiniginge oet de wiek, in 'nne cortège nao 't pleinsje veur 't Kaplaon Lochtmanhoes trèkke. Alle Prinse en Prinsesse zalle um 11:11 oor de Braniemeekerpóp hijse. Es dat achter de rök is, zal 't carnavalsontbijt geserveerd weure in Café ’t Tönneke en kinne veer us opmake veur 'nne fantastische Carnaval..
Geer zeet vaan harte oetgenudig heibij aonwezig te zien!

Zoondag 24 fibberwarie 2019 voond de traditioneel Mestreechter Mès vaan de Braniemeekers plaots in de kèrk vaan St. Jaan d’n Duiper in aonwezigheid vaan de Braniemeekers, Braniemeekerkes en Kakpepers. De Mès o.l.v. Pestoer Backus woort opgeluusterd door ’t Kèrrekkoer en Con Gerards.
Hei kint geer e fillemke heivaan bekieke: https://youtu.be/DYQtyYBFfs4

Vriedag 22 fibberwarie 2019 organiseert CV de Braniemeekers häöre traditionele Carnevals Kienaovend in ’t Keplaon Lochtmanhoes in Lummel. Op Carnevaleske wijs weurt deze aovend ingevöld. D’r zien väöl sjoen prijs te winne, die door Prins Ivo 1e persoenelek aon de winnaars zalle weure oetgereik.
De zaol is ope vaanaof 18:00 oor
Aonvaank Kiene vaanaof 19:00 oor

Zaoterdag 03 fibberwarie 2019 zal CV De Braniemeekers ’n receptie aonbeje aon Prins Ivo 1e. Dees receptie zal plaots vinde in ’t sjoen verseerde Keplaon Lochtmanhoes aon de Populierweeg in Lummel. Veer nudige ’n ederein, dee Prins Ivo 1e en CV de Braniemeekers e werrem hart tow dreug, vaan harte oet heibij aonwezig te zien.
De receptie weurt gehawwe vaan 18:11 tot 21:11 oor.

Geer zeet vaan harte welkom

Zoondag 24 fibberwarie um 9.00 oor weurt de jaorlikse Mesteechter Mès opgedrage in de parochie Kèrrek vaan St Jaan d’n Duiper in Lummel. Con Gerards en ’t Kèrrekelik zaangkoer zalle de mès opluustere mèt sjoene meziek en zaank. Nao de Mès zalle veer ’n blomstökske op ’t kèrrekhof lègke ter iere en ter naogedachtenis aon alle euverleije lui oet Lummel en Nazareth en speciaol veur us euverleije leije, iere-leije en aajd Prinse. Veer hope uuch in de kèrrek te maage treffe! Daan weurt dao nao ’n koffietaofel gehawwe in ’t Keplaon Lochtmanhoes veur genuudigde vaan CV de Braniemeekers en zal euze zjubilaris in ’t zönneke gezat weure. Dit jaor is dat Ashwin Storms.

's Middags goon veer weer ‘n gezèllig feeske bouwe mèt de keender op de Kindermiddag vaan de Braniemeekerkes. De meziek weurt verzörreg door DJ “Lange Ron” en veer beginnen um 13.30 oor.
Geer zeet vaan harte welkom!