Historie vaan "CV de Braniemeekers "

In 't naojaor vaan 1970 waore op 't pleinsje in Lummel gèt koejonge aon 't voetballe. Wie zie meuj waore begòste zie te klasjenere euver 't feit tot in Lummel 'ns gèt veur de jäög gedoon moos weure.  Zie moulde mèt keplaon Eyssen en "de Beijer" en in 'nne mum vaan tied woord 't J.O.W. (Jäög - Oontspannings -Wèrrek) gebore. Wie d'n tied waor gekòmme tot me de kriebels in de bein veult, trommelde Frank Vermeulen gèt vaan die koejonge op um 'nne raod vaan ellef te goon vörreme. "T waore Lummeleers, ouch wel Lummele en zie hadde unne houp branie beij ziech. Zie numde ziech daorum de BRANIEMEEKERS. Hunne'n opper woort Frank Vermeulen en hunne prins Beij de ierste prinse zitting bòngelde iemes bove aon de plefon in e steulke op de buhn vaan 't Lochtmanshoes. D'n haok boe heer aon ophòng begoos raar fratse te vertoene en de zweit dröppel-de vaan 't geziech vaan deej jong in 't steulke. Wie de leje vaan de raod vaan ellef 'm sjus op tied lete zakke, waor d'n ierste Prins vaan de Braniemeekers bekind: PRINS JOS I (Welie).  'N jaor later hadde zie ouch gèt veur de jäög bedach. Op 'nne middag woorte de bèste verkleijde kinder oetgerope es Jäög Prins(es), en dat ierste koppel waor Benny I (Ummels) en Birgitte I (Kerkemeyer). En zoe ging dat mèr door zoetot de Braniemeekers zien oetgegrujd tot 'n wierdige S.M.V. vereiniging boein zie de wieke Lummel en Nazareth vertegewoordige. In 1982 woort de ierste mijlpaol gehaold in Lummel want toen bestoonte veer 11 jaor. Ouch in de wieke laote veer vaan us hure, zoe organisere veer allerleij fees aovende, 'nne echte Metsreechter Aovend, 'n Mestreechter Mès, kindermiddäög en goon veer beij de kraanke vaan Lummel en Nazareth op bezeuk. In 1984 zien d'r 'n paar Branie-meekers gewees die zagte vaan d'r moot ouch 'nne jäögraod koume. En zoe gezag zoe gedoon, en ouch dee raod heet zien striepe verdeend want in 1995 höbbe zie hun 11 jaorig zjubbeleij gevierd. In 1993 waor 't hugelik feit dat veer us 22 jaorig zjubbelij kòste viere, en is ouch mèt groet fees gedoon. Dus de Braniemeekers goon door en zien oondertösse in gaans Mestreech bekind. Zoe zien veer de einigste S.M.V. vereiniging die eder jaor 'nne nuije vastelaoveswagel zellef bouwe, en mesjien is dat wèl de krach wat de Braniemeekers groet hèlt umtot veer alles zellef doen. V'r zien klein begonne en groet gewore, en dat wèlle veer blieve tot dat veer d'r beij neer valle. Veur us tèlt mèr ein dingk, de vastelaovend in Lummel en Nazareth moot blieve, en daor doen veer alles veur.

'Nne vreuntelikke vastelaoves-saluut vaan alle Braniemeekers,

Algemeine zaake beij de Braniemeekers

,,LEEF VASTELAOVENDS VRUN"
De Braniemeekers zien un vereiniging vaan meitskes en jonges die vastelaovend viere hoeg in ut veendel höbbe stoon .Zie zien un vrundeclub (vereiniging ) die ziech sosjaal , krejatief , pliegbewös bezich hawwe met ut in staand hawwe vaan de vastelaovend in Nazareth en Lummel. Zie zètte ziech in dat de jäög, ummers de awwere vaan de towkoms, de vastelaovend zoe blieve viere en beleeve wie veer dat ouch doen. Veer doen dit oonder mie door eeder jaor veer weke veur de vastelaovend unne prins (hoeglöstigheid) oet te rope. En veur de jäög rope veer twie weke veur de vastelaovend un jäög prinsepaar oet. Zie goon us same met hunne raod veur in de vastelaovends tied. Zie oontploeije in dees tied ouch versjeiene aktiviteite oonder mie:

De Mestreechter mès, Carnavalslès op de sjaole, unne Carnavalsoptoch, diverse fiesaovende, unne Mestreechteraovend met artieste en netuurlik neet te vergete ut kraankebezeuk op ut hospitaol, klenieke en thoes. Luijkes die veer altied un werrem hart touw drage. De Braniemeekers zien ouch un krejatief vereiniging die versjeiene commissie's heet. Ein vaan die commissie's is de Technise commissie die oonder mie de zaolverseering en wagelopbouw verzörreg. Un aander commissie is b.v. de jäög commsisie die de kinderaktiviteite doen. Weer un aander commissie die zörreg veur de Carnavalslès en die daor moot aon beijdrage dat dee vastelaovend neet verlore geit. Daan zien daor neve noch aander commissie's die iech in ut kort zal op numme. P.R. commissie, Verveurs commissie, Kraankebezeuk commissie, Mestreechteraovend commissie Themaovond commissie, Medaalje commissie, Optoch commissie, Keuninginnedaagcommissie, Mestreechtermès commissie, Hoegste oondersjeijings commissie, Zjubbeleij commissie. Geer zeet veer zien op alle froonte aktief in ut vastelaovendssezoen. Daorneve prezenteere veer us netuurlik ouch op aander froonte boete ut sezoen. Heet un aander Lummelse of Nazarethse vereiniging get te doen of te viere daan kinne zie altied un beroop op us doen veur höllep. Iech höb uuch in ut kort unne indrök wèlle geve vaan C.V. de BRANIEMEEKERS die sjarieteit en vrundjsjap hoeg in 't veendel höbbe stoon.

Mèt de vastelaovends compleminte teikene veer,

Mestreech, fibberwarie 2011
CV De Braniemeekers

Prinsegallerij "C.V. De Braniemeekerkes"

2023

2021 en 2022 Gein Prinsepaar i.v.m. CORONA!

2020

2019

2018

2017
2016

2015

2014

2013

2012

2011

2010

2009

1985

Hoegste Oondersjeijing 2012 veur P.J. (Pierre) Ekkerink

Lees meer: Hoegste ondersjeiing 2012

Ouch dit jaor môste veer op zeuk naor ‘ne kandidaot dee in aonmérking zow koume veur de hoegste óndersjeijing. En wie dat daan zoe geit weurt ‘r un beijeinkoms gehawwe boe in dat besprooke weurt. De kemmissie bestoond oet de winnares vaan veurig jaor, mevrouw Elly Oudmans, aaijd Prins Marcel d’n ierste en nog twie aander Braniemeekers.

Lees meer: De hoegste ondersjeijing 2011.

“T waor urreges begin december aofgeloupe jaor tot de kemissie hoegste oondersjeiing beijjeinkaom um te goon kieke wee in ’t jaor 2010 de ier kraog en  ‘ns extra in ’t zunneke gezat moos weure. De kemissie bestaonde oet de aajd prins, ‘nne aofgevaardigde vaan het vriendenkoer en 2 braniemeekers ginge daor ‘ns good veur zitte. Versjeije naome kaome op taofel en die woorte ein veur ein besproke.

Lees meer: Hoegste ondersjeijinng 2010