Winnaars ‘Thoes Verseerwedstrijd'
                   
Leef vastelaovends vrun, inwoeners en oondernummers vaan Lummel & Nazareth,
Deze week höbbe veer de winnaars bekint gemaak vaan de Thoes Verseerwedstrijd en höbbe Prins Nas 1^e en Prinses Nancy en Prins Etiënne 1e ouch de preize oetgereik.
De käös waor neet gemekelek um tot veer versjeie sjoen verseerde hoerser, tuine en kiekoets gezeen höbbe.
Veer vinde ’t sjiek tot väöl lui de meujte genóme höbbe um mèt te doen en zoe de sfeer vaan vastelaovend is us wieke en straote uting te geve.

De Winnaars:
1^e plaots – Linda Hollanders en Peter – Kasteel Walburglaan
2^e plaots – Anita Wijns – Balijeweg
3^e plaots – Bewoners galerijflat Limale – Azamonstraat Galerij B

Veer hope tot Geer volgend jaor ouch weer mèt zalt doen en veer de wieke Lummel & Nazareth en hopelek gans Mestreech, roed, geel en greun alle laote kleure roond de vastelaovend.

Alvast bedaank ️en perficia aon de winnaars
Naomes de besture en leie vaan
CV de Kakpepers & CV de Braniemeekers

Foto's hei oonder, klik drop veur weergaaf:
1e plaots: Foto1; Foto2; Foto3; Foto4; Foto5
2e plaots: Foto1; Foto2; Foto3; 
3e plaots: Foto1; Foto2; Foto3; Foto4; Foto5; Foto6; Foto7; Foto8; Foto9; Foto10

Op zaoterdag 18 fibberwarie zal door CV de Braniemeekers de Vastelaovend in Lummel & Nazareth geopend weure mèt ’t oonderhand bekinde “Braniebal of Vastelaoftrap” dat gehawwe zal weure in Kaffee ’t Tönneke.
Prins Etiënne 1e zal es Hoeglöstegheid ’t Braniebal opene en oonder de muzikaole klaanke vaan DJ Chris Boumans zal ’t fieske en dus de vastelaovend losbarste.
Geer zeet vaan harte oetgenudeg um vaanaof 19.00 oor d’r same mèt us ’n sjiek en gezèlleg fieske vaan te make.
D’n entree is gratis!              

Op carnavalszoondag 19 fibberwarie 2023 zal door CV de Braniemeekers de “Vastelaovend” in Lummel en Nazareth weure geopend door ’t hijse vaan de Braniemeekerpóp en aonsletend ’n carnavalsdejeuner.
De Braniemeekerpóp zal de drei döl daog vaan vastelaovend ziech hawwe op ’t Vastelaovend vierend volk vaan Lummel & Nazareth.
Prins Etiënne 1e zal op ziene Prinsewagel vaanaof Hoeve Rome, same mèt ’t jäögprinsepaar Quinn 1e en Donata 1e in ‘ne cortège nao ’t pleinsje veur ’t Keplaon Lochtmanhoes trèkke. Alle Prinse en Prinsesse zalle um 11.11 oor de Braniemeekerpóp hijse.
Es dee klus geklaord is zal ’t carnavalsdejeuner (mèt spek en ei) geserveerd weure in en door kaffee ’t Tönneke en kinne veer us opmake veur ‘ne fantastische vastelaovend.
Geer zeet vaan harte oetgenudeg um d’r bei te zien!

Klik op 't pleetsje:

Op zaterdag 11 februari 2023 uur zal CV De Braniemeekers een receptie aanbieden aan Prins Etiënne 1^e.
De receptie zal plaatsvinden in het mooi versierde Kapelaan Lochtmanhuis, aan de Populierweg in Limmel.
We nodigen iedereen die Prins Etiënne 1^e en CV de Braniemeekers een warm hart toedraagt, van harte uit om hierbij aanwezig te zijn.
Tevens hebben we 2 jubilarissen te weten; Jos Rokx (1x11 jaar) en Shenna Otten (1x11 jaar)

De receptie zal gehouden worden tussen 18.11 en 21.11 uur.

Daarna maken we er samen een gezellige avond van.

U bent van harte welkom!

Zoondag 12 fibberwarie um 9.00 oor weurt de jaorlekse Mesteechter Mès opgedrage in de parochie Kèrk vaan St Jaan d’n Duiper in Lummel door Kapelaon Austin.
De Wieker Famfaar en ’t Kèrkelek zaangkoer zalle de mès opluustere mèt sjoene meziek en zaank.

Nao de Mès zalle veer ’n blomstökske op ’t kèrkhof lègke ter iere vaan- en ter naogedachtenis aon alle euverlije lui oet Lummel en Nazareth en speciaol veur us euverlije lije, iere-lije en aajd Prinse. Veer hope uuch in de kèrk te mage treffe!

Daan weurt d’r nao ’n koffietaofel gehawwe in ’t Keplaon Lochtmanhoes veur genudegde vaan CV de Braniemeekers en zalle euze zjubilarisse vaan de ganse vereineging in ’t zönneke gezat weure. Dit jaor zien dat:

Jos Rokx 1 x 11 jaor
Shenna Otten 1 x 11 jaor
Sylvana Pasveer 1 x 11 jaor
Brandon Dessart 1 x 11 jaor
John Bossink 1 x 5 jaor

's Middags goon veer weer ‘n gezèlleg feeske bouwe mèt de keender op de Kindermiddag vaan de Braniemeekerkes.
De meziek weurt verzörg door DJ “Ron Gilissen” en veer beginne um 13.30 oor.

Geer zeet vaan harte welkom!

De nuie Prins en Prinses vaan CV de Braniemeekerkes zien gistere 06-02-2023 oet gerope:
Prins Quinn 1e (Quinn Houben vaan de Dolmanstraot) en Prinses Donata 1e (Donata Bossink vaan de Sionsweeg).
Vaan Harte Perficia ! ( Klik op hunne foto veur vergroeting )


Um hun beter te liere kinne, bekiek hei ’t Protocol_Prins en Protokol_Prinseske. Hei de teks behurend bij de oetreiking vaan hun verseersele: Protokol_Verseersele
En tenslotte neturelik ouch de bij hun oetrope behurende Proklamasie_Braniemeekerkes.

Bekiek uuch hei 'nne film vaan hun oetrope: Video

En hei get foto's vaan hun oetrope:

Lees meer: Prins Quinn 1e en Prinses Donata 1e regere in 2023 euver 't Braniemeekerkes Riek.

Klik op 't pleetsje: